O fomento do aborto.

Escribirei algún artigo en Galego, coma non, Galicia é bilingüe así que vou facer uso dos meus dereitos, según me pete, e cando me pete, sen imposicións.

A nova lei do aborto aprobada recentemente fai que unha vez máis as políticas socialistas fomenten a falta de apoios e de prevención da saúde ás mulleres.

Non se contempla na nova lei, a prevención dos embarazos non desexados e das enfermidades de transmisión sexual, o fomento da natalidade, a protección ás mulleres sen recursos que queiran seguir adiante co seu embarazo. Sen información das posibilidades para as mulleres en dificultades, das opcións de adopción, acollemento, recursos existentes de estancia e de apoio no emprego e outras formas de non chegar a esa situación límite.

Continuamos co único recurso existente que é o aborto, sen alternativas, sen explicacións claras dos terribles efecto psicolóxicos que eso conleva. Agora temos a lei do libre albedrío, que fomenta a falta de métodos anticonceptivos seguros e fiables sobre todo nos menores, o que producirá un notable incremento do risco biolóxico (VIH, virus do papiloma,...)propio das relacións sexuais sen protección.

A Xunta de Galicia presentou no pasado mes de Xunio o anteproxecto de Lei de Apoio á Familia e á Convivencia, entreoutras accións permitirá ás mulleres inscribirse coma unidade familiar dende o momento do embarazo, sen ter que esperar o nacemento do seu fillo, o que lle permitirá poder optar a axudas. Tamén articulará medidas para fomentar que os embarazos cheguen a término, tanto de apoio ás xestantes como de casas de acollida e adopción. Estas medidas do goberno galego son un impulso de saúde, dignidade á muller e protección biopsicosocial.

O máis sorprendente é a crítica de determinados colectivos profeministas, que a súa labor é a loita constante contra un partido político baixo as siglas de "Igualdade". "O que resiste gaña", dixo un día Camilo José Cela.